சாட்சிகளாய்ப் பார்த்துக்கொண்டே..
கோழிப் பண்ணையின் சுற்றுச் சுவரில்லா
கிணற்றில் தவறிவிழுந்த திருட்டுப் பூனை
பார்த்துக்கொண்டு இருக்கின்றன கோழிகள் !
காப்பாற்ற கயிறு கடப்பாரையோடு தீயணைப்புத்துறை
காவலுக்கு கடமை உணர்வோடு காவல்துறை
பார்த்துக்கொண்டு இருக்கின்றன கோழிகள் !
ஓர் உயிரை காப்பாற்ற ஒற்றுமையாய்
ஒட்டுமொத்த ஊரும் திரண்டு வந்துநிற்கிறது
பார்த்துக்கொண்டே இருக்கின்றன கோழிகள் !
காப்பாற்றிய திருட்டுப் பூனையை கையிலேந்தி
ஆர்ப்பாட்டமாய் ஊர்நுழையும் அதிரடிவீரர்கள்
பார்த்துக்கொண்டே இருக்கின்றன கோழிகள் !
உயிர்பற்றிய கவலையோடு அப்பாவியாய்
உயிர்பறிக்கவே வளர்க்கப்படும் உயிர்கள் !
பார்த்துக்கொண்டே....!
வாழும் வாய்ப்புக்காகக் காத்திருக்கும் - ஆனாலும்
வழியேயில்லாத ஆயிரமாயிரம் அனாதை சீவன்கள் !!
சாட்சிகளாய்ப் பார்த்துக்கொண்டே...........!
No comments:
Post a Comment